Aquí tedes máis material para prepararvos para o exame. Non vos esquezades de rexistrarvos no Studomat para facer o exame de galego o vindeiro 26 de xaneiro (oficialmente figura no programa como 09.02).
Titulares para practicar a redacción de novas.
Nestes documentos podedes atopar información e exercicios sobre os estranxeirismos, palabras que proceden doutras linguas. En galego son especialmente relevantes os castelanismos no campo do léxico, onde podemos distinguir entre castelanismos plenos (cuchara* no canto de culler), falsas adaptacións (lentexa en lugar de lentella), castelanismos aceptados (como tortilla) e formas que aínda que son correctas contan cunha palabra autóctona para o mesmo referente (por exemplo, regalo e agasallo ou labio e beizo).
Bocadillo de tortilla, un prato feito de castelanismos aceptados!
O antepretérito é o último dos tempos de indicativo que imos ver.
Caracterízase polas seguintes terminacións:
Este tempo emprégase para falar de acontecementos que tiveron lugar antes do pretérito.
Por exemplo: Cando cheguei (pretérito) á estación, o tren xa marchara (antepretérito). Neste caso imaxinemos que nós chegamos á estación ás 12 e o tren saíu ás 11.
O pospretérito (tamén chamado condicional) é un tempo do modo indicativo que se caracteriza polas terminacións:
Aínda que normalmente se emprega para falar de feitos hipotéticos, tamén ten outros usos, que podes consultar na seguinte táboa:
Aquí abaixo tamén podedes consultar outras actividades e materiais sobre o pospretérito.
Como xa anunciamos na clase, os exames de galego terán lugar o martes 26 de xaneiro á hora correspondente das aulas. Aquí debaixo podedes consultar os contidos que entrarán para cada unha das materias. Nesta semana subirei tamén o resto do material que falta.
A vindeira semana terá lugar o ciclo de cine iberorrománico da Universidade de Zádar. Como podedes ver no cartel, o filme que se proxectará en galego será Engurras (Ignacio Ferreras, 2011) o martes 15 ás seis da tarde na aula 202.
Aquí tedes tamén a guía didáctica para reflectir sobre algúns dos aspectos do filme e traballar un pouco máis coa lingua. Poderase entregar ata o día 12 de xaneiro.
Aquí tedes a guía de lectura para o libro O único que queda é o amor, o conxunto de relatos de Agustín Fernández Paz que hai que ler este semestre.
Nesta páxina podedes ler gratis un dos relatos: Amor de agosto.
Hai un mes o Dicionario Oxford escolleu un emoticono como palabra do ano.
No Portal das Palabras tamén están a escoller a palabra que mellor represente o 2015. Podedes votar nesta ligazón durante as dúas primeiras semanas de decembro. Nunha segunda fase, abrirase unha votación para que antes de que remate decembro poidades escoller, de entre as palabras seleccionadas, a vosa favorita. En 2014, a palabra seleccionada foi corrupción. Cal credes que merece gañar este ano?
A propósito deste cadro, no que se explican algúns dos fenómenos léxicos máis comúns, deixo aquí este texto que limos na aula.
Galego en Zadar 