verbos

Abril 17, 2016

Máis actividades sobre o pretérito

Antes de pasar a un novo tempo verbal, cómpre coñecer a fondo o pretérito. Aquí tes unha actividade que che permitirá comprobar se dominas este tempo:

completa.png

Tamén vos deixo a canción e a letra do tema Non todo é o que parece  do grupo Aerolíneas Federales co que traballamos na aula.

Xaneiro 15, 2016

O pospretérito

O pospretérito (tamén chamado condicional) é un tempo do modo indicativo que se caracteriza polas terminacións:

  • -AR: -aría, -arías, -aría, -ariamos, -ariades, -arían.
  • -ER: -ería, -erías, -ería, -eriamos, -eriades, -erían.
  • -IR: -iría, -irías, -iría, -iriamos, -iriades, -irían.

Aínda que normalmente se emprega para falar de feitos hipotéticos, tamén ten outros usos, que podes consultar na seguinte táboa:

taboa_prospreteritoAquí abaixo tamén podedes consultar outras actividades e materiais sobre o pospretérito.

Outubro 25, 2015

Unidade 1

Aquí tedes a unidade 1 do manual no que estamos traballando na aula. Nel podedes consultar a información máis importante sobre os contidos destas primeiras semanas: o alfabeto, os artigos, as tres conxugacións do sistema verbal galego en presente de indicativo, o verbo ser/ter, as presentacións e os números.

Preme aquí para ver ou descargar o material: Unidade 1

Tamén tedes algúns documentos de repaso:

año_anos

Xaneiro 23, 2015

Introdución ao subxuntivo

Antes de poñer fin a este semestre, explicamos un novo modo verbal, o subxuntivo. Este modo conta de tres tempos: o presente, o copretérito (ou imperfecto) e o futuro. Como xa vimos na aula, para un falante estranxeiro pode resultar moi confuso decidir cando empregar indicativo e cando cómpre poñer subxuntivo. Para aclarar un pouco máis estes conceptos, aquí tedes unha unidade didáctica que vos pode resultar moi útil:

Subxuntivo

ten_teña

presente_indicativo_subxuntivo     subxuntivo_presente     presente_subxuntivo

Novembro 30, 2014

O pospretérito

É a quenda do pospretérito, outro tempo do modo de indicativo, que ten distintos usos: dar consellos, pensar en que faríamos en situacións imaxinarias, pedir con cortesía, propor un plan…

Aquí tedes unha táboa na que se recollen eses usos e outros materiais relacionados que empregamos nas aulas.

taboa   pospreterito   consellos          exercicios_pospreterito         MAIS_pospreterito                                                  se foses         condicions  transformar_pospreterito

Novembro 12, 2013

Presente de indicativo

O presente de indicativo é o tempo verbal que empregamos para falar da realidade que se está a producir no momento no que se fala. Ex: Agora leo un blog en internet.

Tamén serve para falar de verdades universais, feitos científicos e costumes.

Ex:    A agua ferve a 100 graos. //O Sol sae polo leste. //Os luns pola mañá xogo ao baloncesto. //Pola tardiña fai os seus deberes e déitase.

Nesta imaxe podedes consultar como fan o presente de indicativo os verbos regulares das tres conxugacións (-ar, -er e -ir) e algúns exercicios para practicaren.

Tamén vos deixo unha ferramenta moi útil para conxugar os verbos: http://conxugador.cilenis.com/.

Só tedes que introducir o infinitivo do verbo que desexedes consultar.

Presente_indicativo