- Panorámica das series galegas máis lexendarias
- Diálogo de Cuarto sen ascensor e exercicios
- Actividade para traballar coa televisión en galego
Galego II
O pretérito
Aquí podedes consultar moitos dos materiais que empregamos este mes de marzo na aula para traballar co pretéto.
O pretérito é un tempo do pasado, que empregamos para expresar unha acción que aconteceu nun momento anterior a aquel no que se atopa o falante. Exemplos:
- Onte falei coa miña irmá por teléfono.
- O ano pasado viaxei a Suecia.
- Esta mañá almorcei unha macedonia de froitas.
Fixádevos que nestes casos non importa cando se produciu a acción (onte, o ano pasado, esta mañá) senón que se trata de momentos anteriores ao presente (o momento no que falamos).
Exames xuño 2015
O copretérito
Aquí tedes a presentación sobre o novo tempo verbal que estamos vendo na aula: o copretérito.
Como podedes ver neste cadro, caracterízase polas terminacións:–aba (verbos da 1ª conxugación) e –ía (2ª e 3ª).
Pontes poéticas do Atlántio ao Adriático
A semana pasada, con motivo das Xornadas, tivemos o pracer de compartir aulas coa poeta Yolanda Castaño, que impartiu unha charla-obradoiro para as alumnas de galego. Déixovos aquí algunhas fotografías deste coloquio, así como da posterior mesa redonda na que participaron os poetas croatas Marko Pogačar e Meri Grubić Videc.
A continuación podedes ler o poema colectivo creado con Yolanda e construído sobre metáforas que fan referencia ao sol. Aínda que orixinalmente foi creado en galego, tamén o traducimos nas aulas en dúas versións: unha con rima e outra sen ela. Moitas grazas ás tradutoras, Magdalena e Vedrana!
A Illa Bufarda
A produtora audiovisual Illa Bufarda estivo a semana pasada na Universidade de Zadar con motivo das celebración das IX Xornadas Iberorrománicas. Aquí podedes ver algunhas das fotos tiradas durante os seus obradoiros de stop motion poética así como os textos sobre os que traballaron, tanto en galego como na tradución ao croata.
Pronto colgaremos tamén os resultados finais coas curtametraxes xa editadas!
O negocio dos teus soños
Este é o guion que hai que seguir para facer a presentación sobre o negocio dos vosos soños. Por parellas, imaxinade que tipo de negocio ou tenda abririades se tivesedes todos os cartos do mundo. Teredes que poñervos de acordo sobre o tipo de estabelecemento, a ubicación, o eslogan, a que vai dirixido, a decoración… Con toda esa información teredes que crear unha presentación para presentar ante o resto da aula. Ao final, entre todos, escolleremos a mellor idea.
Viaxar
Cursos de verán en Galicia
Xa está en marcha a XXVIII edición dos Cursos de verán de lingua e cultura galegas para persoas de fóra de Galicia, nos que a Secretaría Xeral de Política Lingüística colabora coa Real Academia Galega, co Instituto da Lingua Galega da Universidade de Santiago de Compostela e mais coa Deputación da Coruña, e que se celebrarán en Santiago de Compostela do 1 ao 24 de xullo de 2015.
A convocatoria ofrece tres niveis de cursos: elemental (de iniciación á lingua para quen desexe introducirse no seu coñecemento), medio (destinado a quen xa realizou o curso elemental ou demostre un coñecemento básico do idioma mediante a realización dunha proba de nivel) e superior (para quen cursou o nivel medio ou acredite un bo dominio da lingua galega), así como 50 bolsas por un importe de 350 euros e exención de pagamento de matrícula e mais outras 10 bolsas que eximen do pagamento da matrícula, mais que carecen doutra retribución económica. Os criterios de concesión das devanditas bolsas priorizan a procedencia do alumnado de centros de estugos galegos.
Aquí podedes descargar a ficha para inscribirse:
Dar consellos
Emprega o imperativo para dar máis consellos a estas persoas:
- Como podo facerme rico?
- Como podo recibir un ascenso?
- Como podo atopar o amor?
- Como podo ser máis feliz?
- Como podo aprender unha lingua estranxeira?
Lembra que o imperativo (para ti/vós) se constrúe a partir do presente de indicativo eliminando o -s final das segundas persoas. Exemplo:
PRESENTE DE INDICATIVO
Eu traballo
P2. Ti traballas = Traballa (IMPERATIVO)
El/ela traballa
Nós traballamos
P2. Vós traballades = Traballade (IMPERATIVO)
Eles/elan traballan
Galego en Zadar 