Na consulta médica

Nas últimas semanas estivemos traballando co léxico sobre o corpo, as doenzas e os medicamentos que podemos empregar para remedialas.

Ademais, tamén aprendimos como empregar o modo imperativo en afirmativo para as persoas ti /vós e vostede/vostedes, así como a dar consellos de distintos xeitos.

Aquí tedes o material que empregamos na aula. Non esquezades que o vindeiro xoves teremos unha proba de comprensión oral relacionada con estos temas e máis unha proba de expresión oral, na que teredes que recrear unha situación comunicativa na consulta médica.

corpo_imperativoximnasia

imperativo_preguntas_introximnasia_preguntas

doencias  Remedios_naturais

CONSELLOS_ORDES

 

Dar consellos

Slide1    Slide2

Emprega o imperativo para dar máis consellos a estas persoas:

  • Como podo facerme rico?
  • Como podo recibir un ascenso?
  • Como podo atopar o amor?
  • Como podo ser máis feliz?
  • Como podo aprender unha lingua estranxeira?

Lembra que o imperativo (para ti/vós) se constrúe a partir do presente de indicativo eliminando o -s final das segundas persoas. Exemplo:

   PRESENTE DE INDICATIVO

Eu traballo

 P2. Ti traballas = Traballa (IMPERATIVO)

El/ela traballa

Nós traballamos

P2. Vós traballades =  Traballade (IMPERATIVO)

Eles/elan traballan

As partes do corpo

Para aprender as partes do corpo, aquí tedes este artigo sobre exercicios para relaxarse na oficina.

Como podedes ver, menciónanse distintas partes: xeonllos, pernas, cabeza, mans, pés, cóbados… Tamén vos deixo logo un pequeno debuxo para completar e un cadro cos distintos usos cos que podemos empregar o imperativo, que tamén aparece no texto.

XimnasiaCorpo_imperativo

Por outra banda, tralo exercicio de hoxe sobre empresas galegas, deixo aquí dúas fotografías: unha de figuras de porcelana de Sargadelos e outra de pezas de roupa de Bimba y Lola.

              

Os pronomes átonos

Os pronomes son aquelas palabras que empregamos para evitar a repetición dun nome.

Ex: Tomo vitaminas todos os días —->  Tómoas todos os días

Neste caso empregamos o pronome as para substituír un nome feminino plural (vitaminas). Como xa sabedes, por regra xeral, en galego o pronome vai unido ao verbo e posposto a el.

Aquí tedes unha táboa na que se recollen os distintos pronomes persoais átonos.

Pronome_persoal_átono_de_CD_e_CI

Como podedes ver (na terceira persoa, tanto de singular como de plural) atopamos dúas formas distintas dependendo da función que desempeñaba o nome substituído na frase orixinal.

Así, se queremos substituír un nome que funciona como complemento directo (acusativo) teremos que empregar o/a/os/as.

Ex: Merca o xarope na farmacia —-> Mércao na farmacia. 

Pola súa banda, se o nome funciona como complemento indirecto (dativo), teremos que empregar lle/lles.

Ex: Enviei unha carta a miña nai —-> Envieille unha carta.

Neste caso vemos que o sintagma nominal substituído desempeñaba a función de complemento indirecto (a quen?).

Fixádevos que moitas veces nunha oración imos atopar CD e CI e polo tanto podemos substituír máis dun nome ou sintagma.

Ex: Engade azucre ás filloas —–> Engádeo ás filloas//Engádelles azucre.

E para rematar, déixovos aquí un documento con exercicios de ortografía (acentuación, b/v, h…) e un pequeno texto para reflectir sobre o uso dos pronomes: Exercicios_ortografía_imperativo_pronomes

O imperativo: as receitas

As indicacións para preparar unha receita conforman un dos tipos de textos nos que se emprega o modo imperativo de maneira habitual. A seguir tedes no documento un exemplo sobre como preparar empanada de millo con berberechos: Receita_imperativo

empanada_millo

Tamén vos deixo a ligazón a un vídeo dun programa de cociña da Televisión de Galicia (TVG): Larpeiros.

Neste fragmento do vídeo van preparar crema de cabazo. Estes son os ingredientes necesarios: aceite, cabazo, cebola, patacas, porro e caldo feito coa carcasa dunha galiña ou un polo. Que aproveite!