audio
Máis presente de subxuntivo
- Escoita e completa a entrevista co presidente dunha asociación en favor do nudismo.
Para saber máis sobre os primeiros movementos en favor do nudismo en Galicia, podedes ver este vídeo (en castelán).
Os primeiros nudistas galegos tiveron que enfrontrase á moral máis radical (1983).
O presente de subxuntivo
Empregamos o presente de subxuntivo para expresar:
1. Necesidades
Ex: Esixo que remate a guerra.
Necesitamos que se reduza a contaminación.
2. Desexos
Ex: Oxalá que non chova mañá.
Queremos que haxa menos desemprego.
3. Dúbida ou probabilidade
Ex: Quizais no futuro as mulleres reciban o mesmo salario que os homes.
Pode que este verán merque unha nova cámara de fotos.
4. Valoracións persoais
Ex: É inxusto que haxa fame no mundo.
É absurdo que esteas catro horas falando por teléfono.
OLLO!
É verdade que Zadar ten unha costa fermosa = PRESENTE DE INDICATIVO
NON É verdade que Zadar teña unha costa fermosa
Pero, como se constrúe o presente de subxuntivo?
E aquí podedes descargar textos e exercicios para poñelo en prática:
Os audios correspondentes ao exercicio 2: Audio 41, Audio 42, Audio 43.
Famosos
Mañá, 8 de abril, terá lugar a primeira proba de comprensión e expresión oral.
Aquí tedes o audio das dúas entrevistas que vimos na aula co seu correspondente exercicio.
Entrevista á cantante Xoana Ribas e Entrevista ao arquitecto Carlos Fonte
No mercado e no restaurante
Aquí temos algúns materiais máis para rematar a unidade relacionada coa alimentación.
Nestas ligazóns podedes escoitar ou descargar os audios correspondentes:
Na praza: http://www.xunta.es/linguagalega/arquivos/U4E4.mp3
No bar: http://www.xunta.es/linguagalega/arquivos/U4E7b.mp3
Aquí vos deixo tamén unha fotografía na que podedes apreciar algúns dos petiscos que se mencionan: unha ración de pementos, outra de zorza, que consiste en carne de porco picada e ben adubada, e unha cervexa ben fresquiña, por suposto: Estrella Galicia.
Máis exercicios: o pospretérito
Aquí tedes os últimos exercicios vistos na aula sobre o pospretérito.
Faltan os arquivos de audio, que non están dispoñibles na rede, pero intentarei subilos nos vindeiros días.
Exercicios pretérito/copretérito e tiles
Aquí tedes algúns exercicios para repasar o emprego do pretérito e copretérito:
Podedes escoitar o audio ambiental para o exercicio sobre o misterio de Rocío B. aquí
Por outra banda, veredes na parte da dereita dous exercicios sobre tiles. Para facer o primeiro, cómpre escoitar primeiro este audio. Atoparedes a sección dedicada ás palabras que se acentúan distinto en castelán e en galego no capítulo 6 partir do minuto 7.
E por se alguén non se lembra moi ben como era iso dos tiles, podedes consultar aquí as normas básicas de acentuación e a listaxe das palabras que levan til diacrítico, iso é, o acento gráfico que se emprega para distinguir dúas palabras que teñen a mesma forma na escrita.
Datas para lembrar: E ti onde estabas cando…?
Aquí tedes tres arquivos de audio no que tres persoas explican que estaban a facer en tres datas importantes para a historia de Galicia.
Logo atoparedes un cadro para completar a información: Con que estaban? Que estaban a facer? Onde estaban? Que pasou?
Audio:
http://www.xunta.es/linguagalega/arquivos/Manual_Aula_de_Galego_2_Audio_6.wma
http://www.xunta.es/linguagalega/arquivos/Manual_Aula_de_Galego_2_Audio_7.wma
http://www.xunta.es/linguagalega/arquivos/Manual_Aula_de_Galego_2_Audio_8.wma
Audio: presentacións
Aquí tedes tres arquivos de audio no que tres rapazas van presentarse e describir as súas afeccións. Na imaxe tedes o resto da información, un exercicio para unir cada descrición coa fotografía que corresponda e un exercicio para expresar a vosa opinión sobre a súa personalidade.
Audio:
http://www.xunta.es/linguagalega/arquivos/AulaGalego1_audio8.wma
http://www.xunta.es/linguagalega/arquivos/AulaGalego1_audio9.wma
http://www.xunta.es/linguagalega/arquivos/AulaGalego1_audio10.wma
Ao teléfono
Nesta imaxe podedes ler algunhas das fórmulas máis empregadas para responder ao teléfono ou para chamar por alguén. Tamén vos deixo un exercicio de completar ocos máis o audio dunha conversa telefónica para que practiquedes.
O audio: http://www.xunta.es/linguagalega/arquivos/U1E10.mp3
Galego en Zadar 