Déixovos aquí o vídeo co que traballamos na clase para a proba de comprensión oral:
- E tamén podedes ler aquí o artigo sobre o pergamiño Vindel xunto coas actividades.
vídeo
Máis presente de subxuntivo
- Escoita e completa a entrevista co presidente dunha asociación en favor do nudismo.
Para saber máis sobre os primeiros movementos en favor do nudismo en Galicia, podedes ver este vídeo (en castelán).
Os primeiros nudistas galegos tiveron que enfrontrase á moral máis radical (1983).
O imperativo: as receitas
As indicacións para preparar unha receita conforman un dos tipos de textos nos que se emprega o modo imperativo de maneira habitual. A seguir tedes no documento un exemplo sobre como preparar empanada de millo con berberechos: Receita_imperativo
Tamén vos deixo a ligazón a un vídeo dun programa de cociña da Televisión de Galicia (TVG): Larpeiros.
Neste fragmento do vídeo van preparar crema de cabazo. Estes son os ingredientes necesarios: aceite, cabazo, cebola, patacas, porro e caldo feito coa carcasa dunha galiña ou un polo. Que aproveite!
Textos sobre a emigración 5: Follas Novas
Escolma poética de Rosalía de Castro, Follas Novas (1880)
¡Pra a Habana!
Vendéronlle os bois,
vendéronlle as vacas,
o pote do caldo
i a manta da cama.
Véndéronlle o carro
i as leiras que tiña,
deixárono soio,
coa roupa vestida.
«María, eu son mozo,
pedir non me é dado,
eu vou polo mundo
pra ver de ganalo.
Galicia está probe,
i á Habana me vou…
¡Adios, adios, prendas
do meu corazón!»
——————————-
Este vaise i aquel vaise,
e todos, todos se van,
Galicia, sin homes quedas
que te poidan traballar.
Tés, en cambio, orfos e orfas
e campos de soledad,
e nais que non teñen fillos
e fillos que non tén pais.
E tés corazóns que sufren
longas ausencias mortás,
viudas de vivos e mortos
que ninguén consolará.
——————————–
Tecín soia a miña tea,
sembrei soia o meu nabal,
soia vou por leña ó monte,
soia a vexo arder no lar.
Nin na fonte nin no prado,
así morra coa carrax,
el non ha de virme a erguer,
el xa non me pousará.
¡Que tristeza! O vento soa,
canta o grilo ó seu compás…;
ferve o pote…, mais, meu caldo,
síña te hei de cear.
Cala, rula; os teus arrulos
ganas de morrer me dan;
cala, grilo, que si cantas,
sinto negras soidás.
O meu homiño perdeuse,
ninguén sabe en onde vai…
Anduriña que pasache
con el as ondas do mar;
anduriña, voa, voa,
ven e dime onde está.
Tamén vos deixo aquí a ligazón ao vídeo Cantigas de emigración, coa música de Fuxan os ventos, Amancio Prada e Benedito, que levou o segundo premio no IX Certamen de Cine Aficionado de Vilagarcía de Arousa en 1980.
Galego en Zadar 