Por estas datas celebramos o Samaín. Que mellor xeito de facelo que cunha historia de medo?
Aquí podedes consultar o relato curto que vimos na aula (Sobre a morte de Bieito de Rafel Dieste) e nesta ligazón está dispoñible o libro completo do que foi tirado Os arquivos do trasno.
O primeiro tipo de texto que imos ver no semestre é o texto narrativo:
Primeiro, imos fixarnos nos aspectos teóricos: elementos, estrutura, tipos, técnicas narrativas…
E agora, para practicar, podedes consultar os distintos tipos de texto que vimos na aula: o conto tradicional, a lenda, a fábula, a novela, o conto literario ou relato curto.
1. Os conto tradicionais: Os sete cabritos
2. As fábulas: O sapo e o raposo
3. As lendas:
Podedes ler os dous textos aquí.
4. Os relato curtos: O pai de Migueliño de Castelao e Domesticum bellum de Fran Alonso
5. As novelas: fragmento de Memorias dun neno labrego de X. Neira Vilas e de Polaroid de Suso de Toro.
Os textos xornalísticos, aqueles que aparecen na prensa escrita, poden encadrarse en distintas categorías textuais. Por exemplo, unha reportaxe turística sobre unha illa do Pacífico pode considerarse un texto principalmente descritivo se se centra en contar con palabras, sobre todo adxectivos, a fermosura daquelas paraxes. Do mesmo xeito, unha crónica que relata o día a día dun político, poderá encaixar na categoría de texto narrativo.
Aquí tedes os materiais cos que traballamos na aula:
Tamén vos deixo o vídeo da canción de Luar na Lubre sobre a desastre do Prestige e a letra para completar:
Aquí tedes un exemplo máis para entender un pouco mellor as distintas técnicas narrativas que xa explicamos na aula. Lembrade que a principal diferenza entre o monólogo interior e o estilo indirecto libre estriba na persoa gramatical empregada.
No caso de monólogo, o narrador fala en primeira persoa, mentres que no estilo indirecto libre atopamos a terceira persoa de singular, que non obstante se expresa como o faría o protagonista e engade impresións persoais ao relato.
Nesta entrada tamén podedes descargar o texto sobre as galletas da sorte e un documento con fragmentos da novela Polaroid de Suso de Toro cos seus correspondentes exercicios.
Déixovos aquí o texto de Xabier P. Docampo (en versión bilingüe galego/inglés) co que traballamos na aula a semana pasada. Un texto narrativo cargado de lirismo e relatado en primeira persoa na que o protagonista plasma a emoción do primeiro bico.
Tedes tamén neste documento unha serie de exercicios para practicar os tempos verbais e os rexistros que se adoitan empregar nos textos narrativos: Exercicios_textos_narrativos
Aquí tedes o texto de Fran Alonso co que traballamos o outro día na aula.
Nesta ligazón podedes atopar o libro completo ao que pertence este relato (Males de cabeza):
Se nas semanas pasadas viamos os textos descritivos, agora é a quenda dos textos narrativos. Estes textos caracterízanse por ser aqueles que transmiten feitos, ben sexan reais ou imaxinarios, con palabras. Os contos, as lendas, as novelas…son exemplos de textos narrativos.
Nesta imaxe, poderedes atopar máis información sobre este tipo de textos: elementos dunha narración, estrutura e tipos de texto narrativo.
Tamén deixo aquí este vídeo, que recolle unha fábula protagonizada por dous animais: un raposo e un sapo.
