Como xa anunciamos na clase, os exames de galego terán lugar o martes 26 de xaneiro á hora correspondente das aulas. Aquí debaixo podedes consultar os contidos que entrarán para cada unha das materias. Nesta semana subirei tamén o resto do material que falta.
Poderiamos dicir que describir é pintar con palabras. Pero non todos os textos descritivos teñen a mesma intención ou describen o mesmo tipo de referentes. Preme nas ligazóns a continuación e aprende máis sobre as súas características e tipos:
A. Obxectos
B. Lugares
C. Festas e comidas
D. Persoas
Aquí podes consultar e descargar os materiais sobre o futuro. Lembra, que existen distintos xeitos de expresar futuridade:
a. Presente do verbo Ir + infinitivo: Este verán ides traballar nun restaurante. Vou mercar un coche novo.
b. Presente do verbo Haber + infinitivo: Hei preparar unha torta para o seu aniversario. Has aprobar a materia.
Aquí tedes a presentación sobre o novo tempo verbal que estamos vendo na aula: o copretérito.
Como podedes ver neste cadro, caracterízase polas terminacións:–aba (verbos da 1ª conxugación) e –ía (2ª e 3ª).
Tras traballar na aula sobre os pronomes, deberíamos saber responder ás seguintes preguntas:
Para ver a presentación sobre o tema, preme aquí. Tamén podedes ver un pequeno fragmento do programa Ben Falado, no que se explica as regras sobre a colocación dos pronomes (a partir do minuto 2:15).
Aquí tedes as imaxes con máis información e algúns exercicios:
Agora xa que coñecemos como funcionan todos os tempos do modo indicativo, podemos afondar un pouco máis nos tempos de subxuntivo. De momento vimos o presente de subxuntivo e os seus usos (preme aquí ou aquí para ler máis información) e agora é a quenda do pretérito (tamén chamado imperfecto) de subxuntivo.
Trátase dun tempo que se caracteriza pola terminación -ase/ese/ise (por exemplo: cantase, comese, vivise). Tede moito coidado porque aínda que en castelán o imperfecto de subxuntivo admita dúas formas (cantara/cantase), en galego son dous tempos distintos:
Normalmente cando falamos de pronomes pensamos en: eu, ti, ela, nós… Este tipo de palabras son pronomes persoais tónicos, iso quere dicir que poden funcionar como suxeito. Ex: Nós aprendemos galego.
Pero tamén existe outro tipo de pronomes, os átonos, que poden ter a función de complemento directo ou indirecto.
Neste caso, imos traballar cos pronomes átonos de complemento directo. Ex: Como unha mazá = Cómoa.
Fixádevos, ademais, que hai que lembrar as regras básicas de colocación de pronomes para saber se vai diante ou detrás do verbo.
Nas seguintes ligazóns tedes a teoría e algúns exercicios vistos na aula:
Tamén vos deixo aquí algún exercicio máis, no que tamén se introduce o tema dos conectores.
Antes de poñer fin a este semestre, explicamos un novo modo verbal, o subxuntivo. Este modo conta de tres tempos: o presente, o copretérito (ou imperfecto) e o futuro. Como xa vimos na aula, para un falante estranxeiro pode resultar moi confuso decidir cando empregar indicativo e cando cómpre poñer subxuntivo. Para aclarar un pouco máis estes conceptos, aquí tedes unha unidade didáctica que vos pode resultar moi útil:
A última categoría da tipoloxía textual vista neste semestre é a dos textos expositivos, aqueles que teñen por función principal informar. Como xa comentamos na aula, estes textos poden ser moi diversos. Para aprender máis sobre as súas características, preme nas imaxes:
Lembrade ademais, que a temática do texto non vai determinar o tipo de texto que é. Aquí tedes un exemplo:
Galego en Zadar 