Introdución a Galicia

Antes de comezar a aprender galego, cómpre coñecer un pouco do contexto desta lingua: Onde se fala? Como naceu? Onde se sitúa Galicia? Cantos habitantes ten? Cales son a principais cidades? Que personaxes podemos destacar da súa Historia?

Para resolver estas cuestións, aquí vos deixo unha presentación de introdución a Galicia e o galego.

Introdución a Galicia

Antes de comezar a estudar galego, deberiamos aprender algo sobre Galicia: é unha comunidade… uha rexión… ou un país? Que idioma se fala? Cantos habitantes ten? Que personaxes ou empresas galegas coñeces?

Para descubrir máis sobre Galicia, preme na presentación de debaixo: Presentación

zara

Unha das empresas máis importantes do mundo da moda é galega

10 palabras galegas que son únicas

O outro día estivemos falando na aula sobre esas palabras que existen en cada idioma e que definen realidades únicas con palabras que non existen ou custa moito traducir a outras linguas. Aquí tedes esa presentación na que podedes atopar as actividades que fixemos e as devanditas palabras.

 

Presentación: 10 Palabras galegas que non teñen tradución

Vídeo publicitario: Galicia é única

 

 

 

 

 

As cantigas de amor

Se xa sabemos distinguir entre unha alborada, unha bailada ou unha mariña, agora é a quenda das cantigas de amor. Se as cantigas de amigo eran composicións postas en boca dunha muller que se laiaba pola ausencia do seu amigo ou namorado, neste tipo de cantigas a voz poética recae sobre un home que na maioría dos casos se queixa polo amor non correspondido do seu señor (senhor) ou dama. Para saber máis sobre as características das cantigas de amor, preme nesta presentación.

Deixo aquí unha escolma de cantigas e distintos exercicios para traballar sobre este tema.

 

As cantigas de amigo

A pesar de que xa tedes outras presentacións máis completas sobre o tema, deixo aquí este documeto complementario sobre as cantigas de amigo, que recolle a información máis básica dun xeito esquematizado: emisor, tipos, personaxes, temas, símbolos…

Tamén subo unha pequena presentación cos subxéneros máis comúns (mariñas, bailadas, de romaría, alboradas), os recursos formais máis habituais: refráns, paralelismos, leixapréns… e unha pequena escolma de cantigas de amigo.

Aquí deixo tamén o documento coa cantiga de Nuno Fernandes Torneol (Levad’, amigo que dormide’las manhanas frías) que presenta unhas características moi especiais.

Recensión (ou reseña)

A recensión é un tipo de artigo no que se fai unha análise crítica dunha obra de recente publicación. Trátase pois dun texto que mestura as formas típicas dos textos expositivos cunha parte de argumentación. Ás veces tamén ides atopar a forma reseña* para facer referencia a este tipo de escritos; non obstante, esta palabra non figura no VOLGa, o vocabulario ortográfico da Real Academia Galega, polo tanto o máis correcto é falar de recensión.

Aquí vos deixo dous exemplos de recensión, un en galego (sobre a novela Liberdade de Jonathan Franzen) e outro en castelán (sobre a novela negra Cogan’s Trade, de George V. Higgins), que imos traducir na aula.

Tamén deixo aquí a presentación que vimos hoxe sobre erros e consellos para o traballo sobre a lectura obrigatoria de Made in Galiza: Erros_consellos

Audio: presentacións

Aquí tedes tres arquivos de audio no que tres rapazas van presentarse e describir as súas afeccións. Na imaxe tedes o resto da información, un exercicio para unir cada descrición coa fotografía que corresponda e un exercicio para expresar a vosa opinión sobre a súa personalidade.

Audio:

http://www.xunta.es/linguagalega/arquivos/AulaGalego1_audio8.wma

http://www.xunta.es/linguagalega/arquivos/AulaGalego1_audio9.wma

http://www.xunta.es/linguagalega/arquivos/AulaGalego1_audio10.wma

Presentacións

O alfabeto e as fórmulas de presentación

Aquí podedes atopar un documento co alfabeto, os dígrafos e algunhas grafías estranxeiras que tamén empregamos. Lembrade que no galego aínda que temos 5 vogais, existen 7 fonemas vogálicos, pois hai que contar co e e o o abertos.

Amais, tamén vos deixo un documento con saúdos típicos, fórmulas de presentación e preguntas que poden resultar útiles para sobrevivir en Galicia.

Aburiño!

Material de descarga:

Alfabeto e outras grafías

Saúdos e fórmulas útiles