O pospretérito

Tralo imperativo, esta última semana foi a quenda de repasar un novo tempo verbal: o pospretérito ou condicional.

Este tempo emprégase principalmente para formular hipóteses con respecto ao futuro ou para dar consellos.

Ex: Se tivese moitos cartos, mercaría unha illa no Caribe.//Eu no teu lugar contaría a verdade. 

Como podedes ver, este tempo caracterízase pola terminación -ría.

O pospretérito tamén ten outros valores, como o de cortesía: Podería darme dous quilos de tomates?

Aquí vos deixo algúns exercicios para poñer en práctica o aprendido.